A Consellería de Sanidade vén de notificar os resultados das probas realizadas onte nos puntos de cribado de libre acceso que funcionan na provincia de Ourense. Así, nos puntos fixos, na xornada do 21 de xaneiro realizábanse un total de 977 test de antíxenos, nos que saían á luz 140 positivos, o que supón un 14,32 % de positividade.
No caso do punto de cribado situado no Hospital Público de Valdeorras, no Barco, facíanse 324 test nos que se detectaban 33 positivos. No punto de Ourense (Espazo Xove) eran 486 os test realizados, nos que aparecían 57 positivos. No Hospital de Verín realizábanse 167 test e saían á luz 50 positivos.
Con respecto aos cribados itinerantes que se levaban a cabo onte por comarcas, en Bande realizábanse 67 test nos cales saían 2 positivos, en Allariz facíanse 170 test nos que aparecían 18 positivos, no Carballiño eran 169 os test e 2 os positivos e en Xinzo de Limia realizábanse 118 test dos que 3 eran positivos.
