Dentro da selección de padexeiros que representa a España no Campionato do Mundo de Augas Bravas, que se está a desenvolver nestes días en Banja Luka (Bosnia), hai 5 deportistas galegos e dous deles son do Club Fluvial Barco.
Estes piragüistas lograban dous metais na competición máster do mundial: así en Máster B Jesús Rodríguez León facíase co ouro e o mesmo metal lográbao en máster A Guillermo Fidalgo.
Ademais, na clasificación sénior Guillermo Fidalgo quedaba no posto 13 e Jesús Rodríguez no 31.
Fotos cedidas.