Moi orgullosos están no CD Rúa do equipo alevín que adestran José Antonio N. Barba e Luis María Ferrer. E non é para menos xa que compiten na Primeira Futgal, unha liga cos 16 mellores equipos de Ourense, pelexando polos postos de ascenso á liga galega.
No partido disputado na mañá do sábado 14 perdían 3-6 contra a UD Ourense, baixando ata o 4º posto da clasificación, pero con 8 vitorias e 3 derrotas (incluída a de onte) no que vai de liga, chegaron ata o segundo, tratando de ti a ti aos rivais.
Ademais, dous dos seus xogadores, Gabriel Yáñez Fernández e Pablo Rodríguez Rodríguez, foron tamén convocados para a selección ourensá sub11 masculina para participar no adestramento preparatorio para o Campionato Galego de Seleccións Comarcais de Fútbol, que se celebrará mañá luns 16 de decembro ás 18 horas no campo de fútbol Cardenas Quiroga, en Maceda.
