Na tarde do sábado 29 de xuño, dúas persoas tiñan que ser escarceradas logo de sufrir un accidente en Toén, segundo indican dende o 112 Galicia asegurando que “un dos implicados explicou que colidiran contra outro vehículo”.
Pouco antes das 19:30 horas un particular chamaba ao 112 Galicia para informar dun accidente na OU-402, no quilómetro 10. “Durante a súa comunicación xa indicou que parecía haber persoas atrapadas no interior do vehículo” din os xestores do 112 Galicia que pasaban o aviso ao Servizo de Urxencias Sanitarias de Galicia-061, Bombeiros do Carballiño, GES de Ribadavia, Garda Civil de Tráfico e Agrupación de Voluntarios de Protección Civil de Toén.
Xa desde o lugar dos feitos, “os membros de Protección Civil confirmaron que había dúas persoas atrapadas dentro do turismo accidentado e logo de que os Bombeiros fixesen uso do material de excarceración, os dous ocupantes do vehículo foron atendidos polas urxencias sanitarias”.
