A banda do bouzoukista quirogués Samuel Soto dará un concerto a partires da medianoite
A cervexería Ruxe Ruxe de Quiroga continúa coa súa aposta pola música en directo. Desta volta faio da man de Eikasía Folk, cuarteto de música tradicional galega con mestura de ritmos e melodías de Europa do Este.
A banda, que actuará a partires da medianoite (entrada de balde) está formada por catro músicos cunha ampla traxectoria. Entre eles o quirogués Samuel Soto, bouzoukista en Ardentía, Coanhadeira, SonDeSeu e Eikasía, mestre de canto popular, corda pulsada e percusións.
Completan o grupo a multiinstrumentista Xela Conde, o frautista Pepe Casal e o cellista José Goruchapa.