El Combo Dominicano, entre as propostas musicais das Festas do Cristo no Barco

As orquestras serán unhas das protagonistas das Festas do Cristo que se celebrarán do 13 ao 17 de setembro no Barco de Valdeorras. Ata seis agrupacións actuarán nos cinco días, comezando con El Combo Dominicano que na tarde e noite do mércores día 13 despregará o seu espectáculo “The Power Tour Gonzalo” no campo da festa.

O Día do Cristo, 14 de setembro, actuará Chárleston Big Band; o venres 15, Costa Oeste; o sábado 16, a orquestra Bahía e José Costas e o grupo Assia; e o domingo 17, a orquestra Fania Blanco Show.