Elcercano.com presenta “Sin motivo aparente”

“Nunha céntrica cafetería sucédense diferentes conversacións, entre elas, a de Nuria e Dani, unha xove parella que malia levar pouco tempo saíndo, quérense dende sempre. Dar ese paso cambiará as súas vidas para sempre…” Este é o argumento da curtametraxe “Sin motivo aparente”, escrita, dirixida e producida por Óscar Doviso e rodada en Elcercano, Ourense.

Precisamente en Elcercano, terá lugar mañá xoves 27 de novembro a preestrea ás 19:30h. (primeiro pase) e 20:15h. (segundo pase), á que asistirán os componentes do equipo técnico e artístico, encabezados polo propio Doviso.

Guillermo Carbajo e Antea Rodríguez encabezan o reparto que conta asemade con Alberto Medeiros, Óscar Doviso, Marta Bergantiño ou Patxi Bisquert.