Coa entrega de premios, a concellería de Medio Ambiente do Barco de Valdeorras clausuraba a XXI Semana da Natureza, un programa dirixido á poboación infantil e xuvenil no que participaron un total de 1.900 cativos e mozos dos centros educativos da vila: CEIP Condesa de Fenosa, CEIP Julio Gurriarán, CEIP Ramón Otero Pedrayo e Colexio Divina Pastora, IES Lauro Olmo e IES Martaguisela.
A entrega de premios tiña lugar na tarde do 15 de xuño no Teatro Lauro Olmo, por parte da concelleira de Medio Ambiente, Diana Urdangaray e da de Cultura e Educación, Margarida Pizcueta.
O acto comezaba coa actuación musical de alumnos do Conservatorio e Escola de Música do Barco e de seguido proxectábanse os videos premiados. A partires de aí comezaba a entrega de premios propiamente dita: de video, de redacción, de fotografía e de debuxo. Nos concursos participaron un total de 644 escolares.
Fotos: Mónica G. Bellver.
