Tras a xornada deste domingo 23 de xaneiro, onde España derrotaba a Irlanda por 4 a 0, a selección feminina de hóckey sala proclamouse en Ourense, campioa de Europa II.
Logo de 3 días de competición, as españolas conseguiron a primeira posición do torneo e serán acompañadas por Bélxica no ascenso de categoría. En 2024 disputarán o Campionato de Europa I, xunto aos 8 mellores equipos do continente.
Con respecto aos trofeos indifiduais do torneo, o de Mellor xogadora foi para Berta Agulló (España); o de Máxima goleadora, para Joanne Peeters (Bélxica); o de Mellor porteira para Paula Ruíz (España); e o de Mellor xogadora promesa para Sofie Stomps (Suíza).
España vencía con 12 puntos, a segunda clasificada era Bélxica con 11 e a terceira Polonia con 10.
