Dous estoupidos sobresaltaban, rozando ás catro da tarde deste 1 de decembro, aos veciños da avenida do Bierzo, na vila do Barco. Tratábase de dúas explosións doutros tantos neumáticos dun tráiler que pasaba nese momento por esta zona barquense e que transportaba lousa.
Ata o lugar desprazábanse de inmediato os efectivos do Grupo de Emerxencias Supramunicipal (GES) de Valdeorras e a Policía Local. Non houbo que lamentar danos persoais.
