Na mañá deste mércores 24 de xaneiro producíase un accidente laboral nunha central hidroeléctrica no municipio de Rubiá no que falecía un operario, segundo incidan dende o 112 Galicia, indicando que “os servizos sanitarios só puideron confirmar o seu pasamento”.
Faltaban dez minutos para as 12:30 horas cando o 112 Galicia era alertado polo persoal da central, que se atopa na parroquia de Covas. Os xestores do Centro Integrado de Atención ás Emerxencias activaban de contado un operativo solicirando a participación de Urxencias Sanitarias de Galicia-061, dos Bombeiros e do GES de Valdeorras e dos axentes da Garda Civil. “Os bombeiros interviñeron para liberar o corpo do traballador, que quedara atrapado nunha das máquinas e por cuxa vida nada puido facer o persoal sanitario”, conclúen.
