A Consellería de Sanidade vén de notificar nas últimas horas tres falecementos de persoas diagnosticadas con Covid na provincia de Ourense. Trátase dun home de 88 anos, ingresado no Hospital de Verín, dun home de 84 anos que estaba no Hospital de Valdeorras e dunha muller de 97 anos, ingresada no Complexo Hospitalario Universitario de Ourense, procedente da residencia das Salinas. Os tres tiñan patoloxías previas.
Ademais, en Galicia rexistrábanse outros cinco falecementos nas últimas horas: un varón de 85 anos falecido no Complexo Hospitalario de Pontevedra, un varón de 88 anos falecido no Complexo Hospitalario Universitario de Santiago, unha muller de 73 anos no Complexo Hospitalario Universitario da Coruña, unha muller de 91 anos falecida no Complexo Hospitalario Universitario de Vigo e unha muller de 77 anos falecida no Complexo Hospitalaria Universitario Lucus Augusti (procedente da residente Domusvi Lugo-Outeiro de Rei).
