A Consellería de Sanidade vén notificar o falecemento nas últimas hora en Galicia de 5 persoas que foran diagnosticadas por coronavirus, unha delas no Hospital Público de Valdeorras, no Barco. Trátase dun home de 89 anos que falecía o 25 de xaneiro. Con el son 493 os falecementos rexistrados na provincia de Ourense dende o inicio da pandemia.
Ese mesmo día perdía a vida un home de 89 anos no Hospital de Monforte de Lemos, unha muller de 98 anos (que procedía do Fogar Residencial Vista Hermosa) e un home de 76 anos no Complexo Hospitalario Universitario de Vigo, ademais dun home de 88 anos no Complexo Hospitalario Universitario de Ferrol.
As cinco persoas falecidas tiñan patoloxias previas.
