A Consellería de Sanidade vén de comunicar neste luns o falecemento en Galicia de tres persoas diagnosticadas por Covid nos últimos días, unha delas na provincia de Ourense. Trátase dunha dunha muller de 88 anos que estaba ingresada no Hospital de Verín e que falecía o 25 de xullo. Presentaba patoloxías previas.
Ademais Sanidade notifica a morte dunha muller de 82 anos no Complexo Hospitalario Universitario de Ferrol o 23 de xullo e dunha muller de 94 anos o 24 de xullo nese mesmo centro hospitalario. Ambas tiñan patoloxías previas.
