Xornada tráxica en Galicia coa morte de ata 21 persoas diagnosticadas por coronavirus nas últimas horas, tal e como vén de confirmar a Consellería de Sanidade. Tres delas falecían na provincia de Ourense: unha muller de 85 anos na residencia Nosa Señora dos Anxos en Ribadavia, unha muller de 85 anos que estaba ingresada no Complexo Hospitalario Universitario de Ourense (que procedía da residencia Nosa Señora dos Miragres en Barbadás) e un home de 77 anos no Hospital de Verín (que procedía da residencia Val de Monterrei).
Ademais perdían a vida en Galicia outras 18 persoas: un home de 96 anos no Chuvi (procedente da residencia de Salvaterra do Miño), un home de 84 anos no Chuvi (procedente da residencia de Salvaterra do Miño), unha muller de 92 anos no Hospital Vithas Nuestra Señora de Fátima (procedente da residencia de Salvaterra do Miño), un home de 82 anos no Chuvi, unha muller de 103 anos no Chuvi, unha muller de 95 anos no Chuvi, unha muller de 81 anos no Chuac, un home de 84 anos no Chuac, un home de 93 anos no seu domicilio na Área Sanitaria da Coruña, un home de 92 anos no Hospital Quirón Salud da Coruña (procedente da residencia Ballesol de Oleiros), unha muller de 84 anos no Hospital HM Modelo-Belén da Coruña, un home de 79 anos no seu domicilio na Área Sanitaria de Lugo, un home de 69 anos (procedente da residencia San Miguel de Silleda) e unha muller de 89 anos no Chus (procedente da residencia San Miguel de Silleda), un home de 86 anos no CHUF, unha muller de 89 anos no Hospital Marcide, un home de 57 anos no Chop e unha muller de 89 anos en Montecelo (procedía dunha residencia).
