Arredor das sete da tarde deste pasado sábado, 19 de xuño, producíase un accidente entre un coche e un ciclista na OU-312, en Portela do Home, ao seu paso polo municipio de Lobios. Un particular alertaba ao 112 Galicia do suceso, asegurando que “o ciclista estaba moi ferido”, segundo informa o 112 Galicia
Decontado, pasouse aviso ao Servizo de Urxencias Sanitarias de Galicia-061. Tamén foron informados os axentes de Tráfico e os membros do GES e de Protección Civil de Lobios. Os servizos sanitarios de urxencia mobilizaron un helicóptero medicalizado que, tras tomar terra no lugar dos feitos, trasladou ao ferido ata o centro hospitalario de referencia, tal e como indica o 112 Galicia.
