Unha das novidades do Magosto barquense deste ano era unha demostración de correfoc, unha tradición da zona de Cataluña e Levante. O son incensante dos tambores marcaba o ritmo dunha tradición salpicada de luz e fogos artificiais. A demostración comezaba ao redor das nove e media na praza de Viloira, logo continuaba na pasarela peonil que une esta vila co Barco e, completábase cunha espectacular actuación final na praza Maior do Barco.
Este correfoc viña da man da Associació Cultural Ball d’Enveja de Vilanova i la Geltrú (Barcelona). O programa do Magosto completarase ás 23h. cun concerto dos Mecánicos na praza Maior.
Fotos: Ángeles Rodríguez.
