Aínda lle quedan algunhas parroquias por percorrer pero, na tarde do domingo 25 de xuño o bispo de Astorga, monseñor Jesús Fernández, clausuraba no Santuario das Ermitas (O Bolo), a súa visita pastoral polo Arciprestado de Galicia na Unidade Pastoral da Rúa que comezaba a mediados do mes de xaneiro.
Segundo o programado, os actos no santuario comezaban co rosario dirixido por diferentes fregueses que representan cada concello da zona. De seguido oficábase a eucaristía coa recepción do Sacramento da confirmación de varios mozos da zona; e finalmente tiña lugar será a festa de clausura, a santa misa presidida polo bispo, acompañado entre outros por Juan José Prieto, párroco de Sobradelo e arcipreste de Galicia na Diócese de Astorga e Jose Manuel Carrasco, vicario de pastoral. Á eucaristía, cantada polo coro arciprestal, asistían representantes de cada unha das parroquias visitadas e varios fegreses recibiron o sacramento da Confirmación.
Fotos cedidas.