Xogadores de toda Galicia, danse cita esta fin de semana no Barco de Valdeorras para participar na terceira proba do Circuíto Vichy Catalán Volei Praia Tour – Campionato Galego de Categorías Inferiores que se está desenvolvendo nas pistas de area do Salgueiral.
Na xornada do sábado 14 de xullo tocoulle o turno ás categorías sub19 e infantil femininas (non houbo masculinas ao non chegar a un mínimo de inscritos) cos partidos de grupo pola maña e as finais pola tarde. Na categoría infantil, a parella formada por Chloe López e María Blanco do Club Cabo de Cruz impoñíase á Saray Piñeiro e Helena López, do mesmo club. E na categoría sub19, as primeiras clasificadas e gañadoras da proba foron Aida Pérez e Sabela Moreno do Club VPM que vencían na final a María Bouza e Carmen González do VP Lugo.
Mañá, tócalle o turno á categoría cadete masculina e feminina, onde competirán xogadores valdeorreses. Ademais, disputarase a XIII Copa Deputación de Ourense de Volei Praia.
Fotos: Mónica G. Bellver.
