Co inicio do novenario o martes día 5 de setembro na igrexa de San Mauro, comezaba o programa relixioso das Festas do Cristo que se estenderá ata o día 15, seguindo o mesmo esquema do ano pasado no que o párroco Julio Álvarez incorporaban varias novidades.
Unha delas, que se repetirá este ano é a pisada e ofrenda do primeiro mosto da colleita 2023 ao Cristo e á Santa Rita. Unha homenaxe ao viño que se celebrará este domingo 10 de setembro ás 12 horas no adro da igrexa de Santa Rita: primeiro o ritual da pisada de uvas nunha tina e despois, co mosto resultante, a ofrenda.
O ano pasado a adega convidada era a Cooperativa Jesús Nazareno do Barco (que leva o nome do patrón da vila) e este ano será Godeval de Xagoaza, tal como avanza o propio párroco.
