Despois de dúas derrotas consecutivas (2-4 contra Betanzos e 4-0 contra Villestro), as rapazas do Rúa-Valdeorras C.F. veñen de sumar unha nova vitoria, a segunda no que vai de liga. Tiña lugar na tarde do 5 de novembro no campo do Aguillón no partido correspondente á cuarta xornada de liga que enfrontaba ás valdeorresas e ás coruñesas do Victoria.
Nunha soleada pero fría tarde, o temperán gol de Rafa no minuto 2 adiantaba as locais no marcador. As ruesas amosanron un xogo máis dinámmico e acertado aínda que habería que esperar ata a segunda parte do encontro para que Carol anotara o segundo (64′). Dezasete minutos máis tarde, Isa sentenciaba o encontro co terceiro tanto local.
Ao final 3-0 e e tres puntos máis no historial das rapazas de Ricaredo Basteiro que suman seis e sitúase no 6º posto da clasificación.
Fotos: Mónica G. Bellver.
