Continúan abertas as inscricións da Carrera valdeorresa das Cidades contra o cancro de páncreas de Valdeorras. Participar é comprometerse cunha gran causa, axudar á investigación sobre o cancro de páncreas. Os fondos que se recadan na Carreira das Cidades son destinados na súa totalidade a bolsas para a investigación en cancro de páncreas.
Un ano mais María Francisco, especialista do Servizo de Aparello Dixestivo da Área Sanitaria de Ourense, Verín e O Barco de Valdeorras convida a participar nesta proba solidaria, que como no 2020 será virtual, polo que se pode tomar parte nela de calquera parte de España. Ademais asegura que este tipo de cancro “supón a cuarta causa de morte por cancro. É un cancro que se diagnostica tarde, en estadíos evolucionados, onde xa non é posible a extirpación do tumor”. De aí, resalta, a importancia da investigación para dese xeito “poder alcanzar mellor tratamento e máis esperanza para combater este mal prognóstico actual”.
Vídeo cedido pola Área Sanitaria de Ourense, Verín e O Barco.
