Trala contundente vitoria (0-5) contra ADF Molgas na liga e a derrota na tanda de penaltis (4-3) ante o CD Cea na Copa Deputación, o CD Córgomo Vilamartín disputará mañá, sábado 15 de outubro, o partido da 6ª xornada de liga (o segundo en casa) ante o CD Bubal.
Será de novo no Campiño de Viloira (O Barco), a partir das 17 horas, e de novo convidan a afección a asistir cun cartel promocional no que renden homenaxe a outra das persoas que fixeron grande o seu pobo e queren destacar: a ‘Señora Pacita’.