Os corredores que en cada edición participan na Spain Backyard Ultra (a carrera de ultradistancia nun bucle de 6,7 km a realizar nunha hora que non remata ata que só quda un) están feitos dunha pasta especial. E os que esta fin de semana competiron na deste 2021 en Castro Caldelas non foron unha excepción batendo un novo record.
Despois de 38 voltas, 38 horas correndo e 255 quilómetros, o vasco Ibon Gamboa Santorcuato proclamábase flamante campión desta dura carreira de resistencia, seguido polo galego Jorge M. García con 37 voltas, 37 horas e 248 km. A última muller en abandoar a carreira era Irene Guembe Ibáñez con 24 voltas, 24 horas e 161 km percorridos.
Dende o Concello de Castro Caldelas que sempre colabora coa proba que reúne aos máis duros corredores nacionais, a alcaldesa Sara Inés Vega agradece a Manuel Rolán Díaz e Luis Rodríguez “o seu incansable traballo e adicación para que esta proba de ultraresistencia sexa un éxito”, e tamén a todos, os seus compañeiros do grupo de goberno que “supliron a miña ausencia, aos traballadores a a todo o público que estivo seguindo esta proba única en España”, conclúe a alcaldesa, calificando a estes deportistas de “súper homes e mulleres”.
Fotos: Spain Backyard Ultra.