Despois da primeira xornada pasada por auga, celebrada o 25 de agosto, dezanove pescadores de toda Galicia participaban hoxe, 15 de setembro, no segundo e último día do campionato selectivo de auga doce 2019, desta volta cun tempo tranquilo e caluroso.
A proba, organizada pola Federación Galega de Pesca, serviu para elixir aos tres pescadores que participarán no campionato de España, entre os que está un membro da Sociedade de Pesca Fluvial Valdeorras, Ignacio Luis Álvarez, que conseguía a segunda posición logo de sumar os puntos dos dous días. O primeiro clasificado era Pedro Toucedo Iglesias (Citroën) e terceiro Fernando Vilas Seoane (O Capote). Rubén Silva, tamén da SPF Valdeorras quedaba en cuarto lugar.
Os tres, xunto co campión galego 2019, formarán o equipo que representará a Galicia no campionato nacional de auga doce 2020.
Fotos: Mónica G. Bellver.