Arredor das 17:13h. desta tarde rexistrábase un incendio nunha vivenda situada nas proximidades da vila de Vilamartín de Valdeorras, segundo o 112 Galicia. Ardía a cheminea do inmoble, pero afortunadamente non había que lamentar danos persoais.
Ata o lugar do suceso, xunto á N-120 e moi preto do Hotel A Lastra, desprazábanse de inmediato os voluntarios de Protección Civil de Vilamartín, o GES Valdeorras e os bombeiros do parque comarcal.
