Dende onte (2 de xaneiro) e ata o día 7, o pavillón municipal Vitorino Núñez da Rúa é un parque infantil para os máis pequenos da casa.
En horario de 11 a 13:30 e de 16 a 20 horas, a excepción do día 6 que será unicamente de tarde, e con entrada de balde, os cativos poderán desfrutar dos diferentes inchábeis alí instalados ademais da exitosa pista de xeo.
O bar está estes días atendido polas tardes por membros do Rúa Valdeorras Fútsal, podendo merendar no pavillón. Ademais de bebidas (café, auga, refrescos, chocolate), hai sandwiches quentes (xamón york e queixo), bocadillos fríos (chourizo, salchichón, nocilla,…) snacks e biscoitos. “E hoxe a maiores do que servimos habitualmente temos pincho de tortilla doada por Bar Coxita”.
Fotos e vídeo: Mónica G. Bellver.
