As integrantes do Programa Internacional de Liderado Feminino, procedentes de institucións públicas e entidades de México e Ecuador, visitaron hoxe, 29 de maio, o Pazo Provincial onde foron recibidas polo presidente da Deputación de Ourense, Manuel Baltar.
Estas representantes están a realizar una visita á provincia de Ourense, acompañadas polo politólogo ourensán e director do Instituto Internacional de Marketing e Comunicación, Eladio Jardón. Na entrevista co presidente do goberno provincial as integrantes deste programa coñeceron os proxectos no ámbito da innovación na xestión pública que desenvolve a Deputación de Ourense, entre os que figura o “Provincia Intelixente” e as iniciativas de apoio á internacionalización e a promoción da “marca Ourense”.
O Programa Internacional de Liderado Feminino ten como obxectivo promover a igualdade a través de iniciativas comunitarias e exemplos de implementación de políticas de desenvolvemento empresarial, social e político.
