Cunha infinidade de actuacións ambientais comezan o curso escolar os Ecovixiantes de Franciscanas, en Ourense. Recollida, clasificación e embotellado de tapóns solidarios coa entrega de 125 kg no Centro de Discapacitados Psíquicos de Verín e clasificación de pilas usadas; recollida de envases lixeiros dentro do Plan Proxecta Recíclache con Sogama; e recollida de cabichas dentro do proxecto Clases sen Fume.
Tal como explica o profesor Gonzalo Sánchez Busóns que acompaña aos cativos xunto a Cristina, “trátase de aprendizaxe e servizo desde o plano do coñecemento, do medio ambiente e desde os hábitos de vida saudable, dentro do Programa Stars España de desprazamento sostible e seguro”, agradecendo a colaboración de Ecourense polo material de limpeza que lles brinda.
Lembramos que o Colexio Plurilingüe Divina Pastora MM Franciscanas de Ourense é Punto de Entrega dos tapóns solidarios.
Fotos cedidas.