Cun programa moito máis curto do inicialmente previsto, debido ás restricións establecidas fronte ao Covid, pero cunha boa participación estanse a desenvolver as IX Xornadas de Portas Abertas da Ruta do Viño de Valdeorras.
Malia cancelarse os buses do viño, como consecuencia das limitacións de aforos e de reunión de grupos dun máximo de cinco persoas, no caso da Ruta do Viño de Valdeorras, as adegas (Godeval, Alan de Val, Cepado, Quinta da Peza e Roandi) adheridas ao programa manteiñan as súas portas abertas de maneira gratuíta para todas aquelas persoas que, baixo reserva previa, decidían visitalas chamando directamente á propia adega. E, cada unha delas tiña entre 8 e 12 participantes na xornada deste sábado.
De igual maneira se manteñen os menús nos restaurantes e as ofertas especiais nos aloxamentos adheridos á ruta, respectando sempre as normativas e aforos establecidos. En canto ás actividades especiais programadas unicamiente se manteñen a cata-cea no Pazo do Castro e a ruta de sendeirismo pola Serra da Enciña da Lastra (Rubiá).
Fotos: Carlos García Hervella, agás as tres últimas da galería e a imaxe situada por debaixo deste texto, que son cedidas pola Asociación da Ruta do Viño de Valdeorras.