Co inicio do mes de setembro faise tamén efectivo o cambio de dirección no colexio Pablo VI-Fátima da Rúa, posto que dende hoxe asume o sacerdote José Fernández de Abajo en substitución de José Manuel Carrasco Pascual, tralo nomeamento deste último como Vicario Pastoral da Diócese de Astorga.
Na sinxela pero emotiva cerimonia coa que o novo director tomaba posesión do cargo, Fernández de Abajo asegurou estar “orgulloso de dirixir este proxecto educativo nun momento tan importante para a educación”, destacando que o seu obxectivo é “poñerme á vosa disposición para que todos vos sintades parte deste equipo, nun entorno de confianza, ilusionados pola nosa misión”, dixo dirixíndose aos compañeiros do centro.
Fotos: Facebook Pablo VI.