Dos 210 inscritos, eran 180 os corredores que finalmente retaban á chuvia, ao frío e á néboa na 5ª edición do Gran Premio de Montaña Galitiming, a máis numerosa e épica da súa historia, disputada na mañá deste domingo 3 de outubro na Rúa.
A chuvia facía aínda máis duro o percorrido, provocando algunha que outra caída e o abandono aos poucos quilómetros da saída dun dos favoritos, Emilio Montilla. Así e todo, tras completar os diferentes percorridos o vencedor do maratón (45 km) era Jose Manuel Gil Bernárdez (Tribu Trail), seguido por Iván Sanguiao Darriba (Gtr Galaico Trial Run) e Marcos Antonio Pascual Fidalgo (Castro Trail). Na categoría feminina a primeira clasificada do maratón era Silvia Casal (GMTA & Chuvoners), a segunda Tamara García (GTR-Galaico Trail Run) e terceira Vanessa Berdejo (independente).
No caso do trail (24 km), o primeiro posto era para Daniel Pazo Giráldez (Atletismo Baiona); o segundo para Rubén Veloso (Furfor Running Project); e o terceiro para José Óliver Reboredo Campos (Running Sport Trail).
E con respecto ao mini trail de 16,9 km, a última proba en saír, Miguel Arejula Elías (independente) resultaba vencedor, seguido Francisco Rodal Abal (Atletismo Sada Montaña) e Juan José Fernández Domínguez (Peña Trevinca Barco).
O 5º Gran Premio de Montaña da Rúa completábase coa andaina de 15,8 quilómetros.
Fotos cedidas.
