Pasadas as catro desta tarde era localizada a avioneta antiincendios desaparecida o mércores por parte dun helicóptero da Junta de Castilla y León. Aparecía en Pena Trevinca, na parte da provincia de Zamora limítrofe con Ourense.
Segundo as últimas informacións, o Grupo de Rescate e Intervención en Montaña da Garda Civil está intentando acceder ao lugar onde se atopa a aeronave para ver o seu estado. En canto se teñan máis datos ampliarase información.
