En apenas tres semanas a cidade de Ourense convertarase de novo en escenario da disputa dun Campionato Nacional Máster de pista cuberta. Será no recinto de Expourense. “Como xa fixera o pasado mes de marzo de 2019, esta importante cita nacional terá á cidade das Burgas como punto de competición pola que se estima que preto que máis de 2000 atletas tomen parte durante os días 26, 27 e 28 de novembro”, tal e como adianta a Federación Galega de Atletismo (FGA).
Entre os participantes non faltará unha representación valdeorresa, que ademais loitará polas medallas con serias opcións de conseguilas en varias categorías, tal e como adianta o presidente do Club Adas do Barco, Agustín González.
En apenas 17 días comezará este campionato que se achega a súa trixésima segunda edición servindo entre outros aspectos, para conmemorar o Centenario da creación da Federación Galega de Atletismo e para que “o noso importantísimo atletismo máster, poida ter novamente a oportunidade de competir a un máximo nivel nun evento destas características na súa propia casa”, di a federación.