No mediodía deste Martes de Entroido, 21 de febreiro, e tralo desfile de folións e compartes A Veiga celebraba a XVII Festa da Soá. Unha cita gastronómica que reunía no pavillón polideportivo municipal a máis de 500 persoas. A maioría eran os participantes no desfile, pero tamén había veciños da localidade doutros puntos da comarca, como O Barco.
Ao ritmo da música, o xantar elaborado e servido unha vez máis por Mantesil, comezaba coa sopa e de seguido o prato estrela: soá con patacas, garavanzos, chourizo e verdura.
O Entrudio da Veiga pecharase o vindeiro sábado 25 de febreiro coa V Xuntanza de Fulións, organizada pola Asociación Cultural Son de Trevinca
Fotos: Mónica G. Bellver e cedidas.
Vídeo cedido.