A reunión que tivo lugar o 4 de xullo entre Manuel Baltar e os portavoces dos grupos políticos con representación na corporación provincial no mandato 2019-2023, tiña como obxectivo a preparación da sesión plenaria de organización, que se celebrará neste mes de xullo.
O presidente provincial e os representantes do Partido Popular, Plácido Álvarez; do Partido Socialista, Rafael Rodríguez Villarino; de Democracia Ourensana, Miguel Caride; e de Ciudadanos, Montserrat Lama, analizaron temas referidos ás dedicacións, persoal eventual, as axudas para o funcionamento dos grupos políticos e cuestiones relativas a organización e desenvolvemento dos plenos. O representante do BNG non puido asistir á reunión debido a problemas de axenda e a xuntanza quedou posposta para a vindeira semana.
Texto: Carlota Pérez de Juan Burgos
