Aforo practicamente completo na “merenda” especial que se celebraba esta tarde de sábado na Tenda da Rita, na zona vella do Barco. Nesta singular e saborosa iniciativa, dirixida pola enóloga valdeorresa Cecilia Fernández, participaban unhas 14 persoas que cataban viño da D.O. Rías Baixas, 2 cervexa artesá e mosto de Terras Gigurras, acompañados de varios deliciosos petiscos doces e salgados deste establecemento: berberechos con escuma de limón e pataca fritida, pulled pork, albóndegas de bonito, atún ao pesto, galletas de chocolate, bombóns de Allariz e xeado de nata con café e crema de xenebra ao turrón.
O acceso á merenda tiña un custo de 20€ e os asistentes tiñan ademais un 5% de desconto directo nas compras realizadas nesta tarde. Esta é a segunda merenda que organiza a Tenda da Rita, novamente cunha moi boa acollida.
Fotos cedidas.