Como cada ano, o colexio Julio Gurriarán do Barco de Valdeorras, celebrou a súa particular festa de Entroido por todo o alto. Nesta ocasión, o tema sobre o que xiraron os disfraces foi o circo distribuídos por ciclos. Así, os nenos de Infantil foron de Magos/as; os de 1º e 2º de Pallasos; os de 3º e 4º de Domadores; e os de 5º e 6º de Mimos.
Ademais de desfilar polo centro e pousar no photocall, ao longo da mañá do 9 de febreiro houbo festa e baile, así como degustación de postres e doces típicos do entroido: orellas, flores, biscoitos, roscas,… que foron aportadas voluntariamente polas familias dos alumnos.
A maiores, aproveitaron a ocasión para entregar os premios aos gañadores do Concurso do Cartel do Entroido. A alumna de 1º B Vera Rodríguez pola súa banda, recibíu o agasallo polo 1º premio nacional de debuxo que acadou no certame ARTS CRAFT KIDS organizado por DKV Seguros: un Ipad para ela e outro para o colexio.
Fotos: CEIP Julio Gurriarán.
