Numerosos nenos acompañados das súas mais e pais achegábanse xa ás 18h. desta tarde ata a Estación de Autobuses do Barco para recibir aos Reis Magos. Melchor, Gaspar e Baltasar. Chegaban a este punto da vila en bus, tras percorrer diversos puntos do municipio, e alí subíanse ás súas respectivas carrozas (que contaban con animación musical), acompañados polos seus paixes e algúns nenos.
A partir de aí, a comitiva, encabezada por un vehículo da Policía Local, dirixíanse á avenida Conde Fenosa (cortada ao tráfico con motivo do desfile) para enfiar cara á praza do Concello do Barco, repartindo ao seu paso saúdos e moitos caramelos entre a multitude de persoas de todas as idades que seguía á cabalgata nas rúas.
Unha vez chegaban ao Concello, os Reis Magos baixaban e dirixíanse cara á antiga casa consistorial onde eran recibicos polo alcalde e lle dirixían unhas palabras aos máis pequenos, dándolle ademais algún que outro consello para esta noite tan especial na que visitarán cada unha das súas casas.
Durante o percorrido contábase coa colaboración da Policía Local do Barco, do GES Valdeorras e de Protección Civil.
Fotos: A.R.
Máis información e fotos