O presidente da Deputación de Ourense, Luís Menor, membros da corporación provincial e persoal da institución, gardaban na mañá deste luns 11 de marzo un minuto de silencio á entrada do Pazo Provincial como mostra do recordo solidario cos afectados polos atentados e as súas familias.
Hoxe cúmprense 20 anos daqueles terribles atentados que lle costaron a vida a 193 persoas. O persoal da Deputación únese así ás mostras de solidariedade manifestadas ao longo do día de hoxe en apoio a todas as vítimas e as súas familias.
