A mostra “48 momentos con Manuel María”, na Sala de Exposicións de Verín

A mostra “48 momentos con Manuel María” xa está aberta ao público na Sala de Exposicións de Verín e estará disposible até o 30 de xullo. Onte foi inaugurada cun acto no que tamén se contou con obras de Martínez Coello e dos artistas invitados Antía Blanes, Marilar Salgado, Tareixa Taboada, Nesliah Özgenç, Antonio Souto, Tony Ferrer, Alejandro Ciurluini e Cándido Caneiro.

Algúns destes artsitas asistiron persoalmente á inauguración da exposición, xunto coa concelleira de Cultura, Emilia Somoza.

A escolma está asinada polo pintor e crítico de arte Martínez Coello, que quere render homenaxe ao poeta galego con motivo da dedicación do ano das Letras Galegas 2016. Son 48 debuxos en técnica mixta que plasman momentos da vida do escritor.