Trátase dunha pequena escolma de cadros do valdeorrés Xosé de Valbuxán que se inaugurará na tarde do 29 de decembro
A arte, e máis en concreto a pintura, será unha das protagonistas neste Nadal en Vilariño de Conso. Nel ofrecerase a posibilidade de poder visitar unha escolma da pintura do recoñecido pintor e escritor bolés Xosé de Valbuxán “Yosso”.
A exposición estará instalada na Casa do Concello e o acto inaugural da mesma está previsto para o vindeiro sábado 29 de decembro ás 17:30h. Será, sen dúbida, unha magnífica oportunidade para desfrutar e reencontrarse coa obra deste destacado creador valdeorrés. A mostra terá un carácter permanente.