Nova ubicación para un mellor servizo. Despois de anos no mapa comercial do Barco de Valdeorras, o establecemento de perfumería, cosmética, droguería e parafarmacia “Muchas” cambiaba o seu emprazamento dentro da mesma rúa, pasando do Nº 45 ao Nº 11 de Conde Fenosa, un local máis amplo, máis cómodo, máis vivo e con moitos maís produtos.
Neste último abría as portas ao público na mañá do 17 de xuño, logo dunhas semanas de intenso traballo para transformar o antigo establecemento hostaleiro (Nobuk), neste comercial, centrado no servizo de perfumería e droguería, co rosa fucsia e o branco como imaxe promocional.
Con sede en Vigo, a empresa Hogarlin (“Muchas”) ten un total de 37 tendas. 35 en Galicia, unha en Benavente e outra en Medina del Campo, e tal como explica o director de tendas, José Manuel Pereira, “o noso obxectivo é continuar a expansión por Castela León”.
Máis información na vindeira edición en papel do Periódico O Sil.
