Eleccións municipaisPolíticaÚltima hora

Nava Castro reúnese coa candidatura do PP do Barco

No acto, a directora da Axencia Galega de Turismo amosou o seu apoio ás propostas de Moisés Blanco
O candidato popular do Barco, Moisés Blanco coa directora da Axencia de Turismo de Galicia, Nava Castro.
O candidato popular do Barco, Moisés Blanco coa directora da Axencia de Turismo de Galicia, Nava Castro.

En plena campaña electoral, na tarde do 8 de maio, o Partido Popular de O Barco de Valdeorras reuníase na sede do candidato, coa directora da Axencia de Turismo de Galicia, Nava Castro.

Nesa reunión, o candidato popular á alcaldía de O Barco anunciaba algúns dos seus proxectos en materia turística, como a implantación dun sistema de audioguías “para que os turistas que nos visiten coñezan en profundidade o máis destacado de O Barco” dixo Blanco, explicando que se trata “de información sobre lugares, personaxes e monumentos en dúas rutas, unha urbana e outra máis exterior, para contribuír á necesidade que temos de promocionarnos para que nos visite máis xente a través da posta en valor do noso patrimonio e dos nosos espazos singulares”.

Nava Castro reuniuse con militantes do PP do Barco na sede do candidato.
Nava Castro reuniuse con militantes do PP do Barco na sede do candidato.

Moisés Blanco tamén destacou a ausencia dunha oficina de turismo no pobo, asegurando que “dende o Concello impulsaremos a colaboración coas axencias de viaxes de O Barco para que axuden na promoción da vila como puntos de información turística”.

En presenza de Castro, o candidato popular reiterou unha vez máis o seu proxecto de creación “de varias rutas e un centro BTT”, unha idea que segundo a directora da Axencia de Turismo “contará co total apoio da Xunta de Galicia” asegurando que “a zona de O Barco é perfecta para iso e estou segura de que suporá un importante pulo tanto para o turismo da comarca como para o deporte en xeral”.

Na reunión tamén se trataron outros temas de interese turístico e económico como o Camiño de Inverno ou as Rutas do Viño.

Fotos: Mónica G. Bellver

Artigos relacionados

Back to top button