Terá lugar ao mediodía diante do Hospital Comarcal Valdeorras e tamén nalgúns centros de saúde desta zona
Continúan as mobilizacións para pedir a retirada do anteproxecto de reforma da Lei de Saúde de Galicia e en defensa da área sanitaria do Barco. Tras a celebrada o 30 de agosto, está prevista unha nova concentración ás 12h. do 9 de setembro diante do Hospital Comarcal Valdeorras (HCV) no Barco. Está convocada pola Xunta de Persoal do HCV e tamén pola Plataforma Sanitaria de Valdeorras.
Ademais están convocadas concentracións diante dos centros de saúde de boa parte da área sanitaria valdeorresa.