Neste 6 de maio o Concello de San Xoán de Río vén de recibir un novo envío de material de protección da Xunta de Galicia. É o cuarto deste tipo que chega a este municipio e tamén o máis amplo ata o de agora, tal e como asegura o seu alcalde, Xosé Miguel Pérez.
Así, o envío inclúe mascarillas cirúrxicas (100 da Xunta e 200 doadas pola Deputación de Ourense), 100 luvas de vitrilo, xel hidroalcohólico (3 botes de 500 ml), 3 pantallas de protección facial, 4 traxes antisalpicaduras e 6 batas doadas por Inditex. Este material de protección vai destinado aos traballadores do Concello, ao persoal do Servizo de Atención no Fogar (SAF), ao das brigadas, etc.