O Concello de Castro Caldelas continúa ampliando as rutas de sendeirismo con novos miradoiros.”Este novo que estamos construíndo atópase na nova Ruta dos Meandros do Sil, concretamente no Meandro de Frouxende. É unha Ruta espectácular para desfrutar da zona máis descoñecida do Canón do Sil”, asegura a alcaldesa de Castro Caldelas, Sara Inés Vega.
Sigue a temática iniciada có fermoso e recoñecido Miradoiro de As Penas de Matacás: “sinxeleza, materiais en aceiro cortén de mínimo mantemento e máxima durabilidade e, sobre todo, destaca a incrible paisaxe e impresionantes vistas que temos neste concello”, engade Sara Inés Vega.
Con este novo miradoiro son xa cinco os que suma Castro Caldelas: As Penas de Matacás, As Penas do Xastre, Miradoiro do Xabrego, Miradoiro das Fervenza do Edo e Meandro de Frouxende. “En breve presentaremos 2 novos miradoiros para desfrutar das vistas do Canón do Sil, Canón do Río Edo e da Serra do Burgo”, engade a rexedora. Isto suporá unha “Ruta de Miradoiros que nos levará dende os 225 ata os 1.217 m percorrendo a ribeira e os montes de Castro Caldelas”.
Fotos cedidas.
