Novo incendio forestal, desta volta en Chandrexa de Queixa

Continúa ardendo o monte no oriente ourensán neste mes de xaneiro. Tras o lume extinguido nesta madrugada en Castromil (A Mezquita), vén de iniciarse outro ás 14:31h. nesta tarde de 4 de xaneiro, con dous focos simultáneos de difícil acceso, desta volta no municipio de Chandrexa de Queixa, en concreto na parroquia de Requeixo.

Segundo as primeiras estimacións, a superficie afectada polo lume xa supera as 20 hectáreas. Nel traballan 2 axentes, 6 brigadas, 2 avións focas e 1 helicóptero.