Nesta xornada baixan os casos activos de Covid-19 na provincia de Ourense, logo de varios días en ascenso. Segundo os últimos datos da Consellería de Sanidade (actualizados ás 18h. do 14 de decembro), hai nun total de 436 positivos (16 menos que onte), dos cales 38 están hospitalizados en planta (2 máis que onte) e 1 (a mesma cifra que onte) na Unidade de Coidados Intensivos. En cambio, os novos casos confirmados por PCR nas últimas 24 horas baixan ata os 9, fronte aos 36 de onte.
No Hospital de Valdeorras rexístrase un total de 6 ingresos en planta (1 máis que onte), todos eles son veciños da Rúa, segundo confirma o Sergas; mentres o Hospital de Verín sobre a 5 (2 máis que onte) e o Hospital Universitario de Ourense rexistra 27 en planta (1 menos que onte) e 1 (a mesma cifra que onte) na Unidade de Coidados Intensivos.
O total de casos rexistrados ata o de agora na provincia ascende a 7.952, con 7.211 curados e 303 falecidos (o último rexistrábase onte no CHUO). Polo de agora lévanse realizado 124.836 probas PCR e 65.958 probas serolóxicas.
