O libro “Caminos de resistencia” (El Boletín, 2022) do guerrilleiro berciano Francisco Martínez López, máis coñecido como “Quico” presentábase o 16 de decembro na sede da Agrupación Cultural Alexandre Bóveda da Coruña, nun acto que contaba coa presenza do autor.
Ademais Quico estaba acompañado por Andreu Gracía, prologuista da obra. Neste volume este guerrilleiro conta toda a súa experiencia de loita activa dentro da resistencia armada contra o franquismo. Quico, de 97 anos, é o último superviviente da guerrilla antifranquista que operou entre Galicia e León.
Esta presentación estaba organizada pola Cátedra de Memoria Histórica da UDC (Universidade da Coruña) en colaboración coa AC Alexandre Bóveda.
Fotos e vídeo cedidos.
